ബെംഗളൂരു: അമിതകൂലി ഈടാക്കുന്നതും യാത്രക്കാർ ആവശ്യപ്പെടുന്ന ഇടങ്ങളിലേക്ക് ഓട്ടം പോകാൻ വിസമ്മതിക്കുന്നതും ഉൾപ്പെടെ നിയമലംഘനങ്ങളിൽ ഓട്ടോ ഡ്രൈവർമാർക്കെതിരെ കർശന നടപടിയുമായി ട്രാഫിക് പൊലീസ്.
നഗര വ്യാപകമായി നടന്ന പരിശോധനയിൽ 271 പേർക്കെതിരെ കേസെടുത്തു. 1.35 ലക്ഷം രൂപ പിഴയായി ഈടാക്കി. സർക്കാർ നിശ്ചയിച്ച നിരക്കിലും കൂടുതൽ ഈടാക്കിയതിനു 138 ഡ്രൈവർമാർക്കെതിരെയാണു നടപടി സ്വീകരിച്ചത്.
യാത്രക്കാർ ആവശ്യപ്പെട്ട ഇടത്തേക്കു സർവീസ് നടത്താൻ വിസമ്മതിച്ചതിനു 133 പേർക്കെതിരെയും കേസെടുത്തു. ജയനഗർ, കെഎസ് ലേഔട്ട്, ബനശങ്കരി, ഹുളിമാവു, കെആർ പുരം എന്നിവിടങ്ങളിലാണ് കൂടുതൽ നിയമ ലംഘകരുള്ളത്.
അതിനിടെ അമിതകൂലി ഒഴിവാക്കാൻ ഓൺലൈൻ ടാക്സി നിരക്ക് ഏകീകരിച്ചതുപോലെ ഓട്ടോ നിരക്കും നിയന്ത്രിക്കണമെന്ന ആവശ്യം ശക്തമാണ്.
മിനിമം നിരക്കായ 2 കിലോമീറ്ററിനു 30 രൂപയും അധിക കിലോമീറ്ററുകൾക്കു 15 രൂപയും എന്നതു വെബ് ടാക്സി ആപ്പുകളിലെ ഓട്ടോ സർവീസിനും നിർബന്ധമാക്കണമെന്നാണ് ആവശ്യം.
ബെംഗളൂരുവാർത്തയുടെ ആൻഡ്രോയ്ഡ് ആപ്ലിക്കേഷൻ ഇപ്പോൾ ഗൂഗിൾ പ്ലേസ്റ്റോറിൽ ലഭ്യമാണ്, പോർട്ടലിൽ പ്രസിദ്ധീകരിക്കുന്ന വാർത്തകൾ വേഗത്തിൽ അറിയാൻ മൊബൈൽ ആപ്പ് ഇൻസ്റ്റാൾ ചെയ്യുക. If you cannot read Malayalam,Download BengaluruVartha Android app from Google play store and Click On the News Reader Button.
